Анд Энерги ХК-ний ТУЗ-ийн хараат бус гишүүний сонгон шалгаруулалтад урьж байна.

     2020 онд болох Анд Энерги ХК-ийн Хувьцаа эзэмшигчдийн ээлжит хурлаар ТУЗ-ийн гишүүдийн бүрэн эрх дуусгавар болж байгаатай холбогдуулан ТУЗ-ийн хараат бус гишүүдийн сонгон шалгаруулалтыг зарлаж байна. Сонирхсон хүмүүс анкетыг татан авч бөглөн, илгээнэ үү.

Компанийн тухай хуулийн 79 дүгээр зүйлийн 79.1, 81.2 дахь заалтыг үндэслэн “Анд-Энерги” ХК-ийн Төлөөлөн удирдах зөвлөлийн хараат бус гишүүнд урьж байна.

ТАВИГДАХ ШААРДЛАГА:

1. Компанийн үйл ажиллагааны талаар зохих ур чадвар, мэдлэг боловсрол, ажлын туршлагатай байх;

   2. Өөрөө, эсхүл нэгдмэл сонирхолтой этгээдтэй хамтран компанийн энгийн хувьцааны таваас дээш хувийг эзэмшдэггүй байх,

   3. Өөрөө, эсхүл нэгдмэл сонирхолтой этгээд нь компанийн болон компани оролцогч болж байгаа компанийн нэгдлийн бусад оролцогчид ажил, албан тушаал эрхэлдэггүй, эсхүл сүүлийн 3 жилийн хугацаанд ажил, албан тушаал эрхэлж байгаагүй байх,

   4. Төрийн үйлчилгээний албанаас бусад төрлийн төрийн алба хашдаггүй байх;

   5. Компанитай бизнесийн аливаа холбоогүй байх;

   6. Тодорхой албан тушаал эрхлэх, эсвэл үйл ажиллагаа явуулах эрхийг нь шүүхийн шийдвэрээр хасаагүй, эрүүгийн хуульд заасан онц гэмт хэрэг үйлдэж шүүхээр ял шийтгэл хүлээгээгүй байх;

   Жич: Санхүүч, Эдийн засагч, Эрх зүйч, Инженер мэргэжлээр мэргэшсэн, компанийн засаглалын сургалтанд хамрагдаж гэрчилгээ авсан байх.